Series: MP3 Preke

Hierdie vertellings vier die 50 Jarige bestaan van die Levubu NG gemeente en die 83 jarige bestaan van die Levubu gemeenskap. In hierdie vertelling word gewys waarna die naam “Levubu”verwys.

Inhoud. Die openbaring van die Here as Herder maak Hom bekend in sy omvattende sorg. Die geloof in hierdie omvattende sorg word bely met die woorde: Ek kom niks kort nie, nie in lewe nie en ook nie in sterwe nie.

Inhoud Preek Hierdie preek wys dat met sy eerste koms waarin Jesus Christus die veroordeelde in ons plek voor God geword het, skep Hy in ons die dankbaarheid en ywer om vir Hom te wag deur ywerig te woeker met alles wat Hy aan ons toevertrou het, sodat wanneer Hy weer kom, ons vir Hom opgewonde kan wys wat ons vir Hom gedoen het. Ons kom na die Lig dat ons dade bekend kan word as dade uit dank en liefde, wat nooit veroordeel sal word nie. Christus se eerste koms verander die tyd waarin ons op sy tweede koms wag na ʼn tyd waarin ons dankbaar met ons self en ons lewe as God se eiendom is wat Hy aan ons toevertrou het. Daarmee het Christus hulle wat Hom nie verwag nie ontbloot as goddeloses wat God ontvoog: God roof en plunder. Hulle doen dit in die geloof dat hulle en hulle lewe nie aan God behoort nie, en daarom begrawe hulle “God se dinge”’ om met hul eie dinge besig te wees.

Inhoud Hierdie preek wys wie die wettelose mens is en hoe hy homself binne die gemeenskap met sy goddeloosheid en wetteloosheid laat geld. Dit wys ook hoe die valse kerk die dienaar van die wettelose mens is. Christus laat deur sy krag ons geloofsgehoorsaamheid groei binne ʼn wettelose gemeenskap omdat ons God dien uit liefde en nie uit die verwagting van beloning vir goeie dade of die vrees vir oortredings nie. Waar wetteloosheid die ywer vir en vrees vir God laat verdwyn, dien gelowiges God nog steeds in geloofsgehoorsaamheid.

Inhoud Hierdie preek wys wat is die verskil tussen selfverloëning en om Christus te verloën. Selfverloëning is om te glo in jou eenheid met Christus en só te glo dat God jou nie aankla, beskuldig, veroordeel, vervloek, straf of verwerp vir jou sonde nie. Om Christus te verloën is om te glo dat Hy vir jou ʼn voorbeeld is oor hoe jy jouself voor God moet aankla, beskuldig, veroordeel, vervloek en verwerp om jouself vir God geestelike te maak.

Inhoud Hierdie preek wys dat Christus ons deur sy genade opvoed om toegewy aan God se wil te leef, nie deur die wet nie. Christus is ons lewensafrigter wat ons oefen in die vrug van die Gees wat Hy in ons skep – en so binne die bedoeling van die wet van God hoe om mense vir God en mense te wees te leef. Christus is nie ons bodybuilder wat ons geestelike spiere bou om God te wys vir die wêreld nie.

Inhoud Hierdie preek wys hoe Christus ons deur sy Gees regeer: Christus maak God se beloftes waar, en Hy maak dit deur die Heilige Gees ook geldig en werklik binne in ons en ons lewe. Christus maak God se beloftes seëninge binne in ons. Mense kan nooit geestelike tussengangers tussen God en mense word om as spirituele vaderfigure, spirituele leiers en leermeesters in ons lewe op te tree nie. Hulle maak nie God se beloftes in ons waar nie maar skep nuwe spirituele wette om ons kamstig deel van God se eie lewe, krag en persoon te maak. Dit is afgodsdiens.

Inhoud Hierdie preek wys hoe die hemelvaart van Christus vir ons as mense ʼn ewige bestemming gee om altyd mens vir God te wees. Dit wys ook hoe Christus se hemelvaart ons nie geestelike ruimte-wesens maak nie.

Inhoud Hierdie preek wys dat ons liefde vir God kan nooit vir God verlore raak nie. Dit is die magsdaad van God deur die opstanding van Jesus Chrístus uit die dood uit: God skep ʼn ewige lewe waarin ons en ons liefde vir God vir ewig vir God behoue is.