Series: Spieëlbeeld

Voorwoord.
Sedert 2004 moes ek in kerklike vergaderings sit waar mense hulle intiem persoonlike selfbelewenisse oor kerklike vergaderings dramaties uitgestort het. Met hulle grenslose selfbelewenisse het hulle die vergaderings doelbewus só getraumatiseer dat daar nie meer ‘n oop debat en onbevange teologiese gesprekke kon plaasvind nie. Binne hierdie soort teistering van vergaderings, en die kerklike gemeenskap, het hulle narsisties geglo dat ander hulle beleef soos hulle hulself beleef. Hulle het ook geglo dat hulle mense met hul grenslose intimiteite meevoer en deel maak van hulle eie getraumatiseerde binne-wêreld. Die god wat hulle met hulle spiritualiteit aan my opgedring het, het van die Here Jesus Christus ‘n ou argaïese god gemaak wat nie meer met hulle innige spiritualiteit in pas is nie. Hulle het Hom ook so die rede gemaak vir mense se selfmoord. Hiermee neem ek die vrymoedigheid om ook die reg op te neem om my persoonlike belewenis, van hulle persoonlike belewenisse, tydens die 2023 Algemene Sinode vergadering van die NG Kerk, met die kerklike gemeenskap te deel. As een groep mag beleef, mag ander groepe ook beleef!