Series: MP3 Preke

Inhoud Hierdie preek wys dat ons ons babas doop met een doop en in een Naam: die Naam van die Vader en die Seun en die Heilige Gees. Met hierdie teken word hulle en ons verseker dat hulle aan die Vader behoort, deur die Seun gereinig is en deur die Heilige Gees elke dag vernuwe sal word. Hulle leef nie onder die oordeel van God om eers in sonde te val en verstrik te raak voor Hy vir hulle die Heilige Gees skenk en hulle vernuwe nie.

Inhoud Hierdie preek wys die verskil tussen die magtige liefde van goddeloses en die liefde van gelowiges wat net liefde is.

Inhoud Hierdie preek spreek die goddeloosheid aan waarin mense vandag meerderwaardig glo dat Christus en sy kerk se tyd verby is en dat hulle tyd aangebreek het. Dit wys dat Christus sy kerk vervuld laat leef terwyl Christus self goddeloses veroordeel en só net op geleende tyd laat leef.

Inhoud Hierdie preek stel die verskil aan die orde tussen gesagsdraers wat lagwekkend en verspot is, en ʼn lewensingesteldheid wat alle gesag belaglik en bespotlik maak. Dit spreek die apatiese lewenshouding en dissosiasie waarin mense toeskouer op hulle eie lewe geword het aan. Dit wys dat Jesus Christus se gesag ons bind aan ontsag vir God en eerbied vir gesag, en nie bemagtig om alles en almal belaglik te kan maak met ʼn meerderwaardige spiritualiteit nie.

Inhoud Hierdie preek wys die verskil tussen hoe God ons sondes versoen en hoe geestelikes en die gemeenskap God se versoening na-aap. God se versoening is vergifnis van sonde. Geestelikes en die gemeenskap se versoening is verskoning van sonde. God se versoening laat ons weer in sy liefde diensbaar leef terwyl die wêreld se verskoning van sonde die bron van geweld in ʼn gemeenskap is wat mense in geweld verstrik.

Inhoud Hierdie preek wys die verskil tussen hoe God ons sondes versoen en hoe geestelikes en die gemeenskap God se versoening na-aap. God se versoening is vergifnis van sonde. Geestelikes en die gemeenskap se versoening is verskoning van sonde. God se versoening laat ons weer in sy liefde diensbaar leef terwyl die wêreld se verskoning van sonde die bron van geweld in ʼn gemeenskap is wat mense in geweld verstrik.

Inhoud Hierdie preek wys dat ons in die Nagmaal verseker word dat God ons nie vir ons sondes breek nie, maar dat Jesus vir ons sondes gebreek is. Daarom roep die Here ons deur die Nagmaal op tot ʼn bekering waarin Hy ons heel vir sy liefde gemaak het. In afgodsdiens word die Nagmaal die teken wat jou wys hoe jy jouself in en deur ʼn bekering moet breek om vir God reg te wees.

Inhoud Hierdie preek wys wat is die verskil tussen om om vergifnis te vra in boetedoening teenoor die vra om vergifnis binne die verbondsliefde van God. In boetedoening word gevra dat God jou nie sal straf nie. In God se verbondsliefde word gevra dat God jou weer heel sal laat wees vir sy liefde.