Series: MP3 Preke

Inhoud Hierdie preek wys dat Jesus Christus vir ons “ja” sê op God se beloftes en deur sy “ja” word God se beloftes God seëninge in ons lewe. Ons sê nooit self “ja” op God se beloftes nie, maar net “amen.” Ons glo Christus maak dit waar en deel van ons lewe. So doop ons ook ons kinders as kinders vir wie Jesus op God se beloftes “ja” gesê het en dit waar en geldig in hulle lewe gemaak het. In die bygeloof van die moderne Christelikheid moet ons nie meer “amen” op God se beloftes sê nie maar “ja” sê. Met ons bekerings moet ons God se beloftes waar en geldig in ons lewe maak en so word ons kinders uit God see verbond en doop uitgesluit.

Inhoud In ‘n sekere sin is die Here verkeerd gedoop want Hy as regverdige mens sonder sonde is as sondaar gedoop. Met hierdie wyse waarop die Here Homself laat doop word Hy die sondaar in ons plek en laat Hy ons doop ook in ‘n sekere sin met ‘n verkeerde doop, doop. Hy laat ons en ons kinders doop as heilig en regverdig in sy plek. So word ons met dieselfde verkeerde doop as die Here gedoop – Myne is syne en syne is myne.

Inhoud hierdie preek wys dat ons Christus nie herleef of vernuwe nie maar dat Hy ons vernuwe met die insig dat Hy self God is, dat Hy self vandag mens van vleis en bloed is en dat Hy ons en ons liefde vir God reg maak. Dit staan teenoor al die geestelikheid wat Jesus nuut wil maak, lewend en aktueel wil maak en verander met hulle geestelike toewyding.

Inhoud Hierdie preek wys hoe geestelikes in die NG Kerk met die besluit dat Jesus beide huwelike en selfdegeslag verbintenisse as Here seën Hom net nog ‘n willose afgod gemaak het wat enigiets aanvaar net om ‘n bietjie liefde te kry. Dit wys hoe gelowiges mense wat van Jesus so ‘n afgod maak moet vermy en nie met hulle as mede-gelowiges mag assosieer nie.

Inhoud Hierdie preek wys die verskil tussen heidense liefdes vir mekaar en Christene se liefde vir mekaar. Die verskil is dat Christene glo dat Christus se liefde maak hulle reg en verander hulle innerlik terwyl heidene dit van hulle eie liefdes vir mekaar glo. Vir heidene is hulle liefdes die mag waardeur hulle alles in die wêreld regmaak en verander. Vir Christene is liefde om jouself diensbaar te bly gee in en deur alles wat verkeerd is in die wêreld.

Inhoud Hierdie preek wys die verskil tussen heidense liefdes vir mekaar en Christene se liefde vir mekaar. Die verskil is dat Christene glo dat Christus se liefde maak hulle reg en verander hulle innerlik terwyl heidene dit van hulle eie liefdes vir mekaar glo. Vir heidene is hulle liefdes die mag waardeur hulle alles in die wêreld regmaak en verander. Vir Christene is liefde om jouself diensbaar te bly gee in en deur alles wat verkeerd is in die wêreld.

Inhoud Hierdie preek wys hoe Paulus in 1 Korintiërs 13 die verskil wys van heidense mense se liefde vir mekaar en Christene se liefde vir mekaar as mense. Christene se liefde is om hulself vir mekaar te gee en om ander wat hulself gee te aanvaar in die geloof dat hulle vir mekaar geregverdig en geheilig is deur Jesus Christus. Heidense liefde wil al en alles vir mekaar wees, selfloos, terwyl christene net hulself gee en ander wat hul self gee, aanvaar.

Inhoud Hierdie preek wys die verskil tussen hoe Christus goddeloses veroordeel en gelowiges tug. Deur tugtiging oefen Christus gelowiges in God se liefde, maar met veroordeling verniel God goddeloses in hul goddeloosheid. Ons is god se egte kinders wat Hy tug en nooit God se arbeiders wie Hy veroordeel nie. Daarom skrik ons nooit vir god se oordeel van goddeloses nie.

Inhoud Hierdie preek wys die verskil tussen die verkondiging van die evangelie van Jesus Christus van kansels en die uitbeelding van Jesus op verhoë. Deur die verkondigde Woord van sy lyding en opstand verlig Christus ons om in God se liefde te leef en Hom God lief te hê. Deur die uitbeelding van Jesus deur geestelikes op verhoë in leesdramas en lewenshoudings verlei hulle mense om met god te identifiseer en verduister so God vir mense. Die drif om kansels met verhoë te vervang is die drif om nie in Christus te wil glo maar met God te wil identifiseer.