Sermons

Die doop is ʼn teken van die pad wat die Here alleen geloop het sodat ons elke dag met Hom kan wandel. Moderne Christelikheid maak die doop die teken dat jy die pad van Jesus oorgeloop het soos Hy en noem dit wandel met God.

Ons bekerings van sonde en ons geloof in Christus is hoe ons met die Gees wandel. Ons sonde doen en bekeer is die wandel met die Gees. Daar is nie ʼn wandel met die Gees waar sonde die wandel stop nie. God wandel met ons terwyl ons sondaars is en doen.

Bekering in die Woord van god is ons toekeer tot God na en in sy toesegging van liefde. Moderne Christelikheid verdring hierdie bekering met die goddeloosheid van die mens wat God na die mens bekeer en so van God ʼn bekeerde te maak.

Die Here verbind man en vrou in egte, spontane liefde waarin man en vrou hulle self mekaar gee in ʼn eenheid van lewe, toekoms, liggaam, inkomste en tuiste. Hierdie liefde kan net as gawe gevind en gegee, dit kan nie kunsmatig opgewek word nie.

Geloof in Christus is ons toekeer tot die verbondsbeloftes wat die Here waarmaak. Gehoorsaamheid aan die wet is ons wegkeer van sonde. Met hierdie twee bekerings keer ons tot God die hele tyd. Daar is nie ander spesiale bekerings vir besondere gawes tot God nie.

Die geloof in Jesus Christus is hoe ons ons tot God toekeer. Daarom word geloof in die Bybel ook bekering genoem. Wanneer dit gaan oor God se genade en liefde is geloof en bekering sinonieme. Afgodsdiens noem die wegkeer van Christus die “eerste bekering”.

Gelowiges leef onder God se genadeheerskappy, maar goddeloses is aan sy wet onderworpe. Hulle is God se arbeiderskolonie en gedra hulle ook so. Ons kan nie deur hulle geïnspireer word in hulle verset teen God nie. Ons dien God as sy kinders in liefde.

Goddeloses maak die openbare ampte hulle posisies van mag om mense te jag en te plunder. God maak hierdie posisies hul vangkuil waarin Hy hulle verstrik. Dit is wat God besig is om met hierdie goddelose owerheid in ons land te doen.

Goddeloses maak die openbare ampte hulle posisies van mag om mense te jag en te plunder. God maak hierdie posisies hul vangkuil waarin Hy hulle verstrik. Dit is wat God besig is om met hierdie goddelose owerheid in ons land te doen.