Sermons

Met die doop stel Christus Homself aan sy kinders bekend as die Een wat hulle in sy liefde insluit en laat bly. Dit is hoe die leraars dit moet bedien. Die doop is nie ʼn teken waarmee die geestelikes hulle bekeerlinge bekendstel nie.

Christus bevry ons van sonde tot diensbaarheid. In moderne Christelikheid word mense vry gemaak van diensbaarheid aan God en die eis gestel dat die kerk nie mag onderskei tussen verlossing en bevryding van aanspreeklikheid teenoor God nie.

Biddag vir reën. God se eer is sy oorvloedige sorg. Mense onteer God deur sy skepping te verniel en die tekorte van hierdie sonde aan God toe te skryf. Wie bid vir reën moet bid dat God goddeloosheid sal vernietig.

Gelowiges begryp die liefde wat God vir hulle in Christus Jesus het, maar hulle verstaan nooit die raadsplan van God met hulle lewe. Daarom kan hulle met die lewenskuns leef om alles te begryp sonder om die raadsplan van God te verstaan.

Die openbaring van die Here as Herder maak Hom bekend in sy omvattende sorg. Die geloof in hierdie om vattende sorg word bely met die woorde: Ek kom niks kort nie.

Die openbare belydenis van geloof in Jesus Christus is ʼn wegkeer van al die tipe bekerings wat vandag in die kerk verkondig word as die wyse waarop ʼn mens tot god moet bekeer. Geloof in Christus is die bekering tot God vir sy liefde en genade.

God openbaar egskeiding as ʼn daad van geweld. Daarom is die voorwendsel van vriendelike egskeidings ʼn leuen wat mense skep om god die oorsaak te maak van die ellende wat hulle sel skep vir mekaar as gesin.