Series: Preke manuskripte

Inhoud Hierdie preek wys die verskil tussen ons verbintenis met Christus as vereniging en as verhouding. Christus verenig ons met wie Hy as mens in die hemel is en só deel ons in wie Hy is en Hy in wie ons is. In afgodsdiens is die verbintenis met Christus ʼn intiem persoonlike verhouding, nie ʼn vereniging nie. In hierdie identiteitsverhouding met Christus word die liefde met God vernietig en verplaas met sonde. So word die intiem persoonlike verhouding die grondslag van en vir alle disfunksionele menseverhoudings asof dit liefde is terwyl dit nie is nie.

Inhoud Hierdie preek wys die hoe ons deur die evangelie en nie deur die wet nie in die nuwe lewenswyse van geloof in Jesus Christus opgevoed word. Dit wys dat die doop ʼn teken is dat ons en ons kinders deel in die genade waarin God ons opvoed. Dit wys ook dat die sogenaamde kragtige bekering in die kerk ons vervreem van die opvoeding deur God se genade vir ʼn wettiese lewenswyse buite God se genade.

Inhoud Hierdie preek wys die verskil tussen die ware en valse bekering deur te wys dat Petrus se teleurstelling dat Jesus nie die Messias is wat hy Jesus wou gehad het nie, is nie ʼn voorbeeld van hoe ons moet bekeer nie. Dit wys ook dat hierdie valse bekering is die bekering waarmee die # Imagine beweging die kerk se kinders wil bekeer.

Inhoud Hierdie preek wys dat die Here alleen ly en opstaan uit die dood om sy kerk met sy genade en liefde te bedien. Jesus Christus het nie deur sy heilswerk Baas geword nie maar Dienaar. Daarom kan ons nie sy lydingsbeker drink nie en nie só saam met Hom Baas en baasspelrig oor die goddelose wêreld word nie. Hy maak ons dienaars in sy liefde en gee vir ons nie sy lydingsbeker nie, maar die Nagmaalsbeker om te wys Hy het ons tot diens losgekoop, nie tot baasskap bemagtig nie.

Inhoud Hierdie preek wys dat gelowiges nooit die dood as deel van die lewe kan aanvaar nie. Christus gee ons die ewige lewe en gaan die dood uit die nuwe skepping wegneem want die dood is nie deel van die lewe soos God dit bedoel, gee en herstel nie. Daarom kan Christene nooit die dood van ʼn geliefde vrolik vier as deel van die lewe nie, maar rou hulle altyd oor die dood as protes uit die sekerheid en krag van die lewe wat die Here gee.

Inhoud Preek doop wandel seëninge wette. Hierdie preek wys dat die Heilige Gees lei babas, peuters en kleuters omdat Hy hulle lei deur hulle in te sluit en te laat deel in die seëninge van God se verbond en nie deur die voorskrifte van die wet van God nie. Daarom mag ons kinders van verbondsouers doop in die Naam van die Heilige Gees want hy lei babas. Omdat die kerk dit nie meer glo nie het hulle ʼn verbondsdoop vir babas in die Naam van die Vader ontwerp, sonder die Seun en Gees, ʼn bekeringsdoop vir kleuters die Seun sonder die Gees en ʼn doop met die Gees vir tieners sonder die teken van die doop in die Naam van die Vader en die Seun.

Inhoud Hierdie preek wys wat is die verskil tussen die Here wat self in Jesus vir sondaars die Christus geword het en al die Christusbeelde en -figure wat gepreek en voorgeleef word waar Jesus die Here word deur sy kruis en dood. Die Here het die Christus geword om sondaars te bedien met verlossing, nie om meer goddelike krag en mag te kry om hulle nog mee te onderwerp nie. Wie glo die Here het die Christus geword, vertrou hulle self toe aan Hom as Geneesheer, Verlosser. Wie glo Jesus het die Here geword, deur sy kruis en dood, glo in Jesus as net nog ʼn toordokter, ʼn toordokter wat jou verwyt en veroordeel vir jou siektes en jou dan onderwerp aan sy goddelike kragte en magte, sonder om jou te genees.

Inhoud Vergifnis wet evangelie restitusie vergoed liefde. Hierdie preek wys dat Christus ons deur die evangelie en nie deur die wet vergewe nie. Daarom mag ons mekaar ook nie meer deur die wet nie maar deur die evangelie vergewe. Vergifnis deur die wet beteken om jou sondes reg te maak en jou sondigheid reg te kry. Vergifnis deur die evangelie beteken dat Christus jou heilig, regverdig, skuldloos, foutloos en onberispelik vir sy liefde en diens maak deur sy lyding en opstanding. Om mekaar as medegelowiges te vergewe beteken dat ons Christus se vergifnis vir mekaar glo. Ons aanvaar mekaar soos Christus ons heilig, regverdig, skuldloos en foutloos vir sy liefde en diens maak. Die geestelikes van hierdie wêreld preek vergifnis as restitusie en vervulling met goddelike krag. Jy moet jou sondes reg maak met erkennings, berou en vergoeding, en dan jou self met God se goddelike krag reg kry. Binne vergifnis deur die wet gaan die liefde verlore.

Inhoud Vergifnis wet evangelie restitusie vergoed liefde. Hierdie preek wys dat Christus ons deur die evangelie en nie deur die wet vergewe nie. Daarom mag ons mekaar ook nie meer deur die wet nie maar deur die evangelie vergewe. Vergifnis deur die wet beteken om jou sondes reg te maak en jou sondigheid reg te kry. Vergifnis deur die evangelie beteken dat Christus jou heilig, regverdig, skuldloos, foutloos en onberispelik vir sy liefde en diens maak deur sy lyding en opstanding. Om mekaar as medegelowiges te vergewe beteken dat ons Christus se vergifnis vir mekaar glo. Ons aanvaar mekaar soos Christus ons heilig, regverdig, skuldloos en foutloos vir sy liefde en diens maak. Die geestelikes van hierdie wêreld preek vergifnis as restitusie en vervulling met goddelike krag. Jy moet jou sondes reg maak met erkennings, berou en vergoeding, en dan jou self met God se goddelike krag reg kry. Binne vergifnis deur die wet gaan die liefde verlore.